Fréttir
Gagarín tekur þátt í HönnunarMars
Gagarín í samstarfi við Þjóðminjasafnið býður upp á fyrirlestur um hönnunaraðferðir á Hönnunarmarsi. Fyrirlesturinn verður haldinn í Þjóðminjasafninu föstudaginn 19. mars nk. kl. 15. Þar mun Nils Wiberg hugmyndahönnuður hjá Gagarín fjalla um hönnun, skapandi hugsun í hönnunarferlinu og árangursríkar hönnunaraðferðir. Nils útskrifaðist með Msc gráðu í gagnvirkri hönnun (Interaction Design) frá háskólanum í Umeå í Svíþjóð árið 2009 og hefur starfað hjá Gagarín síðan.
Við upphaf hugmyndavinnu skiptir sköpum að nota tilteknar hönnunaraðferðir og hafa vettvang til að skapandi hugsun fái að njóta sín. Með því að nota formlegar aðferðir sem hugsaðar eru fyrir hvert tilvik fyrir sig og vinna faglega í gegnum allt ferlið, er hægt að hámarka útkomuna og ná betri árangri.
Við bjóðum alla áhugasama velkomna á Þjóðminjasafnið kl. 15 föstudaginn 19. mars nk. Einnig bendum við á fjölbreytta dagskrá sem er í boði á Hönnunarmarsi 2010 eins og lesa má um á vefsíðu Hönnunarmiðstöðvarinnar.
Til baka